الجمعة , 22 يونيو 2018
الرئيسية / حوادث / هدى خلعت زوجها .. قالت : ” البيه رومانسى .. وبس ” !!

هدى خلعت زوجها .. قالت : ” البيه رومانسى .. وبس ” !!

كتبت ـ جميلة حسن

طلبت “هدى” خلع زوجها ، أمام محكمة الأسرة بالتجمع الخامس، بالقاهرة .. قالت إنه ” رومانسى ” فقط .. لا يعرف الحب إلا بالتليفون ، ودائم الهروب من المنزل.

قالت “هدى” (28 عاما)، في الدعوى القضائية، إن زوجها كان يحب فتاة أخرى، توضح: “كان بيقولي أنا غلط لما اتجوزتك، إحنا إخوات تحت سقف واحد وبلاش حد يعرف، وطول الليل بيتكلم مع حبيبته في التليفون، وأنا الشغالة بتاعت الشاي والغسيل والأكل، جوزي لمسني أول أسبوع، وبعد كدا بعد عني”.

تابعت: “زواجي من عليّ الميكانيكي كان تقليديا، عن طريق تعارف الأمهات ببعضها والصداقة المقربة.. واستمر 4 أشهر فقط”. تقول: “بيحب واحدة وبيكلمها طول الليل وخدني عشان يرضي أمه عشان مش موافقين على التانية”.

وتابعت: “عشت معاه أسبوع حلو تخيلته فارس أحلامي، والرجل المناسب، لم يرفض شيئا أطلبه، تاني أسبوع في جوازنا، ولقيته بيدخل الاوضة التانية ويتكلم بالساعات وينام كمان هناك، ويرفع صوته عليا ويكسفني قدام الجيران “.

أضافت : “قال في التلفون قدامي أنا بحبك إنت وهقولها وخليكى معايا وهتسمعي الكلام، عرفت وقتها إنه بيحبها وأنا ولاحاجة ليه، استمر الوضع 4 أشهر بس تعبت وزهقت”.

وأكدت هروبها من المنزل إلى أسرتها، وطلبت الطلاق ولم يوافق، فلجأت إلى محكمة الأسرة بالتجمع الخامس، لرفع دعوى تطليق للضرر منها، وحملت الدعوى رقم 371لسنة 2018، ومازالت الدعوى منظورة أمام المحكمة.

 

شاهد أيضاً

قاتلة والدتها وشقيقه حرقاً : الحب ” أعمى ” قلبى

  كتب ـ أحمد على اعترفت الفتاة المتهمة بقتل شقيقها ووالدتها حرقا، أمام محمد جمال …